Maxia na Biblioteca: Un Decembro de Contos e Soños

 

O Nadal asolagou cada recuncho da nosa biblioteca! Durante este mes de decembro, os andeis non só gardaron libros, senón que se converteron no escenario de viaxes fantásticas grazas a unha iniciativa moi especial: os conta contos de Nadal das nosas familias.

Queremos agradecer de todo corazón aos pais e nais que fixeron un oco nas súas axendas para regalarnos o seu tempo, a súa voz e a súa ilusión. Eles foron os encargados de acender a faísca da lectura tanto nos máis pequeniños de Infantil como nos alumnos de Primaria.

"Contar un conto é regalar (agasallar) un soño, e este decembro a nosa biblioteca foi a fábrica de soños máis grande do mundo."

Ver as caras de asombro dos alumnos de Infantil e o respecto e a atención dos de Primaria foi o mellor agasallo de Nadal. Esta actividade non só fomenta o hábito lector, senón que fortalece os lazos entre as familias e o centro, facendo da escola un lugar de encontro.

O noso maior agradecemento a: Olaya, Verónica, David, Mónica, Vanesa e María por ser os mellores embaixadores da literatura. Deixastes unha pegada máxica nos nosos alumnos!

Felices lecturas e bo nadal a todos!

Aventura Literaria no Club de Lectura de 4º de EP

 

Ola, súper lectores!

O Club de Lectura de 4º de Primaria culminou outra incrible aventura literaria. Este mes, viaxamos ao corazón dun conto cheo de risas, enxeño e amizade: “La jirafa, el pelícano y el mono” do noso queridísimo autor Roald Dahl.

Coñecemos a Billy e aos Limpa cristais sen Escaleira, e xuntos vivimos unha aventura que culmina coa captura do famoso ladrón de xoias, o Cobra.

Despois de devorar este divertido libro, realizamos dúas sesións moi especiais do Club de Lectura, centradas nunha actividade que puxo a proba a estratexia e a creatividade dos nosos novos detectives: "O Plan Antirroubo do Duque".

Os nosos 22 alumnos dividíronse en cinco equipos, e a súa misión era deseñar un plan infalible para previr o roubo do famoso colar polo Cobra, antes de que sucedese.

Cada equipo transformouse nunha axencia de seguridade, realizando as seguintes tarefas:

1.         Asignación de Roles

2.         Deseño de Planos

3.         Accións Concretas

Os plans foron brillantes e demostraron que os nosos lectores comprenderon moi ben as habilidades únicas de cada personaxe. A creatividade no uso dos picos, os pescozos e a axilidade para a vixilancia e a emboscada foi asombrosa. Roald Dahl estaría moi orgulloso destes estrategos!

Aquí déixanvos un breve vídeo do libro.

Por outra banda, o alumnado de 5º e 6º, pertencente ao Club de lectura, despois de ler o libro "A bruxas" de Roald Dahl, compartiron con nós un video no que amosaron o que máis lle gustou e impactou do mesmo

Grazas a todos os membros do club pola súa participación e por converter a lectura nunha experiencia de aprendizaxe tan práctica e divertida!

Próximo libro: Estean atentos ao taboleiro de anuncios da biblioteca para descubrir cal será a nosa próxima gran aventura!

Felices lecturas!

A ciencia invade a nosa biblioteca! Descobre o "Obradoiro das Ciencias"

 

Na nosa biblioteca durante ou mes de novembro quedamos emocionados co lanzamento dunha das actividades máis esperadas: o "Obradoiro das Ciencias". Resultou ser un mes cheo de descubrimentos, preguntas e moitas... moitas explosións de coñecemento (controladas, por suposto!).

Sabemos que a curiosidade non ten límites e por iso queriamos transformar a nosa biblioteca nun auténtico laboratorio de ideas e experimentos. Queriamos animar aos nosos mozos e mozas científicos a explorar o mundo que lles rodea, a facerse preguntas e a atopar respostas da maneira máis divertida e práctica posible.

Cada luns, durante o mes de novembro, a biblioteca abriu as súas portas para converterse nun espazo de experimentación. Participaron grupos pequenos de alumnado (2 ou 3 nenos/as por quenda) quen trouxo preparados desde casa os experimentos científicos que máis lles apaixonaron.

Foi unha experiencia fantástica para

• Compartir coñecementos: mostrar aos demais os incribles experimentos que investigaron.

• Aprender facendo: a mellor forma de entender a ciencia é poñéndoa en práctica.

• Espertar vocacións: quizais esteamos a descubrir aos científicos do futuro.

• Fomentar a curiosidade: que a biblioteca non só sexa un lugar de lectura, senón tamén de investigación e descubrimento.

Na entrada da Biblioteca, na sección Fotobiblio, podedes desfrutar das fotos da ciencia!

"Galofoguete": inclusión e reporteiros en acción

Que tarde tan incrible pasamos o venres 28 na biblioteca! Tivemos unha visita de luxo: a escritora Elena Fernández, que veu contarnos o seu marabilloso conto "GALOFOGUETE".

Elena atrapounos desde o primeiro momento coa súa historia. Rimos e gozamos moitísimo! Pero o mellor de todo é a mensaxe secreta que esconde "Galofoguete": é un conto máxico sobre a inclusión e o valor da diversidade. Non foi só unha lectura divertida; foi unha oportunidade para que pequenos e maiores reflexionásemos sobre como as nosas diferenzas enriquécennos.

E a aventura non terminou aí! Os nosos compañeiros de 6º de Primaria tomaron  o protagonismo. Convertidos en audaces xornalistas, realizaron unha interesante entrevista a Elena, afondando tanto no proceso creativo do libro coma na súa mensaxe integradora.  Ademais de preguntas nas que deron a coñecer outras habilidades de Elena: o seu traballo como xurista, no eu grupo de pandeiretas...  A autora respondeu con gran proximidade á curiosidade dos nosos estudantes.

Desde a biblioteca, queremos dar un agradecemento enorme a Elena Fernández por traernos unha historia tan necesaria e felicitar aos mozos e mozas de 6º polo seu excelente traballo.