Grazas familias

Fixemos tamén unha sesión de contacontos na que participaron algúns nenos e nenas de 5º de primaria, e uns poucos pais e nais. Moitas grazas ás nais e ó pai que participaron na nosa homenaxe ós libros.

Día do libro

Para as biblioteca o día do libro é importante. Na nosa biblioteca hoxe decidimos celebralo dun xeito especial.
Para comezar, tódolos nenos e nenas da escola participaron facendo un debuxo relacionado co seu libro preferido. Aquí tedes algúns exemplos.

Grazas profes

Este curso puxemos a nosa biblioteca máis fermosa, grazas á colaboración dalgúns "profes" e de moitos alumnos e alumnas. Dámoslle as grazas a todos e especialmente ás mestras de prácticas, que empregaron parte do seu tempo en axudarnos con estes carteis. Tamén a Juan, o "profe" de cuarto que buscou os lemas que vedes e moitos máis.

Amancio Amigo

Éste é un personaxe que atopamos en Feitizo, en Álvaro e Álvaro e, por suposto, en Amancio Amigo e o demo da botella.  O profesor que axudou a Álvaro no seu grave problema aparece así representado:

ANDURIÑO

Amancio Amigo e o demo da botella foi lido por algúns alumnos de sexto. Resulta un libro moi interesante, pola súa ambientación no Courel e pola representación de lendas, historias ou mitos relacionados coa noite de San Xoán. É o máis esixente dos libros que lemos neste curso, pero resulta moi atractivo.

Aquí un dos nosos compañeiros debuxou a Anduriño, curioso personaxe desta novela.

MÁIS COELLO FEDERICO

Ós nosos alumnos e alumnas gústanlles os amorodos, así que Natalia, de 1º de primaria, tamén debuxa a Federico fartándose destas froitas vermellas.

FEDERICO

Imos amosar algúns do debuxos que fixemos trala lectura dalgúns libros de Xosé Miranda.

Comezamos polos "peques": aquí temos ó coello Federico, comendo os amorodos, debuxado por Sara Parada, da clase de infantil de 4 anos.