Na semana do cómic o alumnado quixo deleitarnos cuns cómics feitos por eles nos que cada ciclo tiña un reto diferente: completar unha historia, debuxar, escribir o texto, recrear os globos do cómic...
As propostas foron sorprendentes pero fixemos unha escolla dos máis destacados de cada aula, aquí vos deixamos unha imaxe do mesmos.
Este curso celebramos de maneira conxunta o Día de Rosalía de Castro (23 de febreiro) e o Día Mundial da Poesía (21 de marzo) coa inauguración da sección "POEFLIX", unha iniciativa destinada a fomentar a lectura e a expresión poética entre o seu alumnado.
A actividade principal, titulada "O cole recita a...", involucrou a todo o centro educativo. Os nenos e nenas de Educación Infantil recitaron poemas de Rosalía de Castro, mentres que o alumnado de Primaria seleccionou e recitou poemas de diferentes continentes.
Aproveito para engadir outras seccións como "FOTOBIBLIO" donde visionamos as fotos de todas as actividades realizadas dende a biblioteca e a sección "LEERFLIX" para suxerir lecturas aos nosos discentes.
O alumnado que asiste ao clube de lectura representou a obra teatral Mamasiña que medo! na Biblioteca, o día 21 de febreiro de 2025. Todo o cole puido desfrutar destes grandes actores e actrices e co ben que o fixeron, quedaron con ganas de repetilo.
🎦Pincha na foto para ver o video!
Ola de novo!
Este novo curso vimos cargados de novidades dende a biblioteca do CEIP Plurilingüe de Monterroso.
Como xa sabedes, estamos a cambiar de localización a nosa biblioteca, e como vai ser un espazo totalmente renovado pensamos que o mellor sería escoller unha nova mascota.
Por iso, no primeiro trimestre pedímoslle a todo o alumnado do colexio que nos achegara as súas propostas para despois decidir o gañador ou gañadora nun competido sufraxio. Sufraxio significa votación, non pensedes que vos ides ir de aquí sen aprender nada.
Algunhas das propostas que chegaron a finalistas foron as que podedes ver na seguinte foto.
E tras o reconto final, estamos encantados de presentarvos a nosa nova mascota, Anteollos.
Un saúdo e ata a próxima!
O martes 23 de abril celebramos no noso cole o DÍA DO LIBRO. Fixemos unha sesión de apadriñamento lector cos cursos de infantil e algún do primeiro ciclo de primaria.
Tamén fixemos agasallos para todos os nenos/as dun libro de préstamo e un marcapáxinas, que fixemos con moito cariño e que esperemos que os coiden ben. Aquí vos dexamos un exemplo dos agasallos:
Na semana do 4 ao 10 de marzo celebramos a semana da prensa. Os alumn@s de primaria traballaron cos periódicos. Cada clase elexiu unha noticia e despois explicaron nunha posta en común a tod@s @s nen@s de primaria porque a elexiron.
Tamén os/as nenos/as de infantil traballaron coas noticias. Os de 6º de infantil elaboraron a súa propia noticia "Neve en Monterroso".
Traballos realizados polos alumn@s de primaria e infantil
Tamén tivemos unha visita no noso centro, Marcos Rodríguez, o pai dun alumno de 4º EP que traballa no Progreso e que nos veu falar do seu traballo como periodista.
 |
| Gañadora do 1º Ciclo de Primaria: Aroa Cuñarro Pena |
