BIBLIOGRAFÍA DE GIANNI RODARI

Rodari escribíu moitos libros destinados a nenos e nenas, todos teñen en común que son libros moi divertidos e cheos de fantasía e imaxinación.

Vouvos propoñer algúns deles; uns en galego e outros en castelán. Evidentemente, son traduccións do italiano, que era o idioma no que escribía Gianni Rodari:

Contos por teléfono
Este libro está composto por setenta relatos breves, moi imaxinativos e con moito sentido do humor. Algúns deses relatos están inspirados en contos clásicos e outros crean novos personaxes ou novos obxectos. Tamén hai un constante xogo coa linguaxe.

Érase dos veces el barón Lamberto
O barón Lamberto era moi vello, moi rico, e estaba moi enfermo. Tiña, nada menos que vinte e catro enfermidades, que só o seu mordomo sabe de memoria.
Pero un día o barón decide aplicar a sabedoría do antigo Exipto e comezan a suceder cousas...







       

Cuentos para jugar
Aquí Rodari reúne unha vintena de contos, cada un con tres finais diferentes, así cada lector pode escoller o que máis lle guste.

Déixovos aquí o enlace para que poidades ler este libro. E, coma sempre, se vos gusta, mercádeo cando acabe o confinamento:

https://www.aulapt.org/wp-content/uploads/2016/03/veinte-cuentos-de-Gianni-Rodari-con-tres-finales-.pdf





Confundindo historias

Esta é unha recreación do conto de carapuchiña e o lobo, como toda a obra de Rodari, marcada polo xogo e a imaxinación.

Espero que lles guste especialmente ós de infantil, por iso vos deixo o seguinte enlace, cunha recreación da obra.

MERCÁDEO se vos gusta!!

https://www.youtube.com/watch?v=0rCwOIAH8ek


Rodari ten moitas máis obras, anímovos a informarvos sobre elas. Na próxima entrada falaremos da súa obra máis importante.

ÁNIMO, que queda menos!!

SEMANA DO LIBRO

Esta semana é o día do Libro, o día 23. Ímoslle adicar toda a semana a Gianni Rodari, un dos autores fundamentais da literatura infantil, porque este ano é o seu centenario.

https://commons.wikimedia.org/wiki/File:Gianni_Rodari.jpg


GIANNI RODARI

Foi un pedagogo, periodista, mestre e escritor italiano.
Naceu o 23 de outubro de 1920, en Omegna, cidade italiana. En 1937 obtivo o título de mestre, e comeza a exercer na localidade de Uboldo. Nestes anos os mestres non gañaban moito así que se ve obrigado a ingresar no Partido Nacional Fascista. Pero en 1944 pásase ó Partido Comunista.

Cando acaba a IIª Guerra Mundial, á que non foi mobilizado pola súa mala saúde, empeza a traballar  na revista Cinque Punte e despois foi nomeado director do xornal L`Ordine Nuovo. En 1947 empeza a traballar en L`Unitá de Milán e dous anos despois é nomeado director da súa sección infantil, chamada La domenica dei piccoli.

En 1950 múdase a Roma e alí funda, con Dina Rinaldi, o semanario xuvenil Pionere. En 1951 publica a súa primeira obra pedagóxica: Il manuale del pionere (O manual do pioneiro), que lle supuxo a excomuñón.

En 1953 funda o periódico Avanguardia, ligado á Federación Xuvenil Comunista Italiana.

En 1957 ingresa no Colexio de Periodistas. Colabora coa RAI (televisión italiana) e coa BBC (televisión británica) nun programa infantil, e escribe no periódico Paese Sera co pseudónimo "Benelux". Algunhas das súas obras tamén apareceron co pseudónimo "Francesco Aricocchi".

Entre 1969 e 1977 dirixe Il giornale dei genitori (O periódico dos pais), e en 1970 recibe o premio Hans Christian Andersen, o meirande galardón na literatura infantil.

En 1973 publica a súa obra máis importante: Gramática da Fantasía, dirixida a mestres, familias e educadores, expón técnicas para estimular a fantasía.

Morre en 1979.

SEGUIMOS CONFINADOS

ÁNIMO, que queda menos!

Seguimos de confinamento, así que aquí vai outro clásico para ler en liña.



Este é un dos contos máis fermosos de Oscar Wilde, publicado en inglés en 1888, xunto con outros contos do autor. En castelán titúlase El gigante egoista.

Como veño facendo últimamente déixovos o enlace, pero pídovos que o merquedes cando o confinamento acabe:

http://bibliotecadigital.ilce.edu.mx/Colecciones/CuentosMas/GiganteEgo.pdf

COIDÁDEVOS E COIDADE DA VOSA FAMILIA!!

OUTRO CONTO PARA OS PEQUENOS

Hoxe recoméndovos outro conto para os pequenos da casa. É un dos meus contos favoritos. Póñovos un enlace para que leades o conto e outro para que escoitedes a canción. Algúns dos alumnos do cole sabédela de memoria...



https://vdocuments.mx/corre-corre-cabacina.html (Conto)

https://www.youtube.com/watch?v=EfUEd0xTlhA (Canción)

Ademáis póñovos o enlace dalgunhas actividades en liña.  Aconséllovolas para 1º, 2º ou 3º de primaria.

https://www.edu.xunta.gal/centros/cepdeventin/aulavirtual2/file.php/1/pili/lim%20corre%20corre%20cabaci%C3%B1a/correcorrecabacinna.html (Actividades)

COIDÁDEVOS MOITO E CANDO ISTO PASE, MERCADE O LIBRO!!!

ALBERT UDERZO

Acaba de morrer Albert Uderzo. Tiña 92 anos.
Por que falamos aquí da morte deste home? Porque con Renè Goscinny foi o creador de Astérix e Obélix. Uderzo era francés e estivo dedicado a debuxar as historietas dos heroes galos dende 1959 ata que se retira en 2013. Ademais, despois da morte de Goscinny (1977), tamén se fixo responsable dos guións.

Pero quédannos as súas obras, Uderzo participou en 34 dos 38 álbumes publicados de Astérix e Obélix.



Déixovos aquí un enlace para que poidades ler un dos meus favoritos: Astérix y los juegos olímpicos

http://www.delingualatina.info/dlll/addenda/comics/49157880-Asterix-Obelix-Axterix-en-Los-Juegos-Olimpicos.pdf

Por favor, mercádeo cando acabe este período de confinamento!!!  Tamén o hai en galego.

PERMANECE NA CASA

Todos sabedes que estamos a vivir unha situación especial, complicada para maiores e pequenos. Ademáis de segui-las recomendacións das autoridades, debemos tratar de sacar algo positivo destes días difíciles.
Este pode ser un bo momento para recuperar, consolidar ou adquirir o hábito de ler.
Vouvos recomendar un libro para os máis pequenos:

Adivina cuánto te quiero, de Sam McBratney, con ilustracións de Anita Jeram.




Como non estamos en momento de saír a mercar, déixovos dous enlaces que vos permitirán acceder ó libro para lelo vía internet:

https://youtu.be/WW4yaXFvZSE

https://es.slideshare.net/ropepe-13/adivina-cunto-te-quiero-9907159

Espero que gocedes da súa lectura.

DÍA DA PAZ

Tódolos días do ano deben ser Día da Paz.

Botádelle un ollo a algúns libros relacionados coa paz que temos na nosa biblioteca: unha biografía de Gandhi (que morreu o 30 de xaneiro de 1948 e por iso o día da paz se celebra  neste día), unha biografía de Ana Frank (hoxe, 27 de xaneiro, é o aniversario da liberación de Auschwitz), entre outros. Tamén atoparedes La bruja doña Paz, de Antoniorrobles, un conto moi bonito.
Déixovos aquí un traballo dos nenos e nenas de tres anos en relación con esta celebración.