Miguel Ángel Alonso Diz

Temos que dar as grazas a Miguel Ángel, que estivo en maio no noso colexio, por varios motivos: en primeiro lugar polos seus libros. Os nenos e nenas de primeiro, segundo e terceiro leron O soño de Esther, con ilustracións de Luz Beloso. Tamén temos outras obras de Miguel Ángel na nosa biblioteca, e.g. A nena á que non deixaban ser feliz. Outro motivo para darlle as grazas é a sesión de lightpainting que el desenvolveu cos nenos e nenas. Foi do máis chulo!

A que sabe a Lúa

En tres anos xa saben o que lles gusta. Os nosos nenos e nenas máis pequenos estiveron a traballar nun dos libros con máis éxito en educación infantil: A que sabe a Lúa?, de M. Grejniec. As profes axudáronlles con este mural:

O ano de Manuel María

Aínda que non publicamos moito, o traballo na escola non para.
Este curso está a ser o de Manuel María.
Os nenos e nenas de 6º andan a voltas con Os soños na gaiola  e estes son algúns dos traballos de plástica feitos a partir da lectura dos poemas.

Máis de Don Quijote

En 1º de primaria os nenos e nenas decidiron facer o seu propio Don Quijote de la Mancha.
Fixeron un libro moi bonito, que deixaron na biblioteca para que os outros alumnos do centro poidesen gozar del.
Na clase de 4 anos A pasaron un bo anaco vendo o traballo dos seus compañeiros.

 

Estefanía Padullés

Hoxe tivemos no colexio a visita de Estefanía Padullés. Ela é a creadora de O desexo do gato Klops, editado por Hércules de Ediciones.

Este libro, fermosamente ilustrado pola mesma Estefanía, gustou moito ós nosos alumnos, especialmente en infantil. Moitas grazas á autora pola súa visita.

Don Quijote outra vez

Os nenos e nenas da clase de 4 anos B fixeron o seu don Quijote. Quedoulles moi bonito.

Muíños de vento

A aventura dos muíños de vento é unha das máis coñecidas de Don Quijote.
Foi na que se fixaron os nosos alumnos e alumnas de 2º, e fixeron este mural.