SEGUIMOS NA SEMANA DO LIBRO

Quédannos dúas técnicas máis de Gianni Rodari da súa Gramática da Fantasía.

Lembramos as técnicas que xa vimos:

1. Binomio fantástico
2. Hipóteses fantásticas
3. Xogos coa prensa

4. Contos do revés
 Consiste en coller un conto que coñecemos e cambiar un dos seus trazos distintivos típicos:  por exemplo, imaxina o conto de Brancaneves se, en lugar de atopar sete ananos, atopase sete xigantes. Ou se Carapuchiña fose mala e o lobo fose bo...

Para darvos algunha outra idea, permitídeme que vos poña aquí un dos poemas da miña infancia, é de José Agustín Goytisolo:

Lobito bueno

Érase una vez...
un lobito bueno
al que maltrataban
todos los corderos.

Y había también
un príncipe malo,
una bruja hermosa
y un pirata honrado.

Todas estas cosas
había una vez,
cuando yo soñaba
un mundo al revés.

José Agustín Goytisolo , 1992                         

5. Ensalada de contos.

Esta técnica consiste en escoller personaxes e/ou situacións de diferentes contos e escribir que ocorrería, mesturando personaxes, lugares, situacións...

 http://3.bp.blogspot.com/-x4J-femwUlw/VhooSrnSs8I/AAAAAAAAAIA/BLBD6KPy5kU/s640/cuentos-infantiles-editorial-timunmas.jpg

Imaxinade que mesturamos os títulos:

Podedes mesturalos vós doutra maneira, ou poñelos de tres en tres...

Animádevos e facede algún conto usando algunha das técnicas de Rodari!

DÍA DO LIBRO

Hoxe é 23 de abril, Día do Libro. 

Como sabedes, levamos toda a semana falando de Rodari, que este ano cumpriría 100 anos.
Seguimos propoñéndovos actividades para que escribades os vosos contos, utilizando as técnicas que aparecen na Gramática da Fantasía. Xa falamos do binomio fantástico, agora amosareivos dúas técnicas máis:

2. Hipótese fantástica

Trátase de propoñer unha situación estraña ou imposible, enlazando un suxeito e un predicado que non teñan relación e formulando hipóteses que se saian do común.

A historia xorde a partir dunha pregunta tipo: que pasaría se...?

Escolle unha das hipóteses e escribe unha historia a partir dela. Se che apetece inventa outras hipóteses fantásticas novas.

3. Xogos coa prensa ou noticia fantástica

Esta técnica tamén consiste en enlazar anacos de frases para que o resultado sexa chocante.

Póñovos un exemplo:

Recortade titulares de noticias de periódicos e revistas. Logo recortade a noticia pola metade, separando o suxeito do predicado. Despois poñede dun lado tódolos suxeitos e doutro tódolos predicados. Compoñede novos titulares xuntando ó azar un suxeito cun predicado.

Deséxovos a todos un feliz Día do Libro:

GRAMÁTICA DA FANTASÍA

O libro máis  importante de Gianni Rodari é Gramática da Fantasía. 

Esta imaxe é do libro en galego, pero tamén está editado en castelán.

Gianni Rodari publica este libro en 1973, cando xa tiña moitas obras dirixidas ó público infantil. Gramática da Fantasía non está dirixida a nenos e nenas, senón a pais, nais e educadores, e recolle algunha das técnicas que o escritor italiano utilizou para escribir as súas obras infantís e xuvenís.






Estas técnicas serven para que calquera de nós poida escribir un relato. Agora veremos algunhas destas técnicas:

1. O binomio fantástico.
Esta técnica consiste en escoller dúas palabras calquera, ó chou, collidas do dicionario, ditas por outra persoa, e logo relacionalas dalgunha maneira para inventar un conto.

Propóñovos que escribades vinte palabras, as que queirades, por exemplo:

Recortádeas e metédeas nunha caixa ou nunha bolsa. Despois remexédeas e sacade, sen mirar, dúas palabras... a ver que se vos ocorre con esas dúas palabras.

Se queredes, utilizade estas palabras que vos suxiro, a ver que contos podedes facer!

BIBLIOGRAFÍA DE GIANNI RODARI

Rodari escribíu moitos libros destinados a nenos e nenas, todos teñen en común que son libros moi divertidos e cheos de fantasía e imaxinación.

Vouvos propoñer algúns deles; uns en galego e outros en castelán. Evidentemente, son traduccións do italiano, que era o idioma no que escribía Gianni Rodari:

Contos por teléfono
Este libro está composto por setenta relatos breves, moi imaxinativos e con moito sentido do humor. Algúns deses relatos están inspirados en contos clásicos e outros crean novos personaxes ou novos obxectos. Tamén hai un constante xogo coa linguaxe.

Érase dos veces el barón Lamberto
O barón Lamberto era moi vello, moi rico, e estaba moi enfermo. Tiña, nada menos que vinte e catro enfermidades, que só o seu mordomo sabe de memoria.
Pero un día o barón decide aplicar a sabedoría do antigo Exipto e comezan a suceder cousas...







       

Cuentos para jugar
Aquí Rodari reúne unha vintena de contos, cada un con tres finais diferentes, así cada lector pode escoller o que máis lle guste.

Déixovos aquí o enlace para que poidades ler este libro. E, coma sempre, se vos gusta, mercádeo cando acabe o confinamento:

https://www.aulapt.org/wp-content/uploads/2016/03/veinte-cuentos-de-Gianni-Rodari-con-tres-finales-.pdf





Confundindo historias

Esta é unha recreación do conto de carapuchiña e o lobo, como toda a obra de Rodari, marcada polo xogo e a imaxinación.

Espero que lles guste especialmente ós de infantil, por iso vos deixo o seguinte enlace, cunha recreación da obra.

MERCÁDEO se vos gusta!!

https://www.youtube.com/watch?v=0rCwOIAH8ek


Rodari ten moitas máis obras, anímovos a informarvos sobre elas. Na próxima entrada falaremos da súa obra máis importante.

ÁNIMO, que queda menos!!

SEMANA DO LIBRO

Esta semana é o día do Libro, o día 23. Ímoslle adicar toda a semana a Gianni Rodari, un dos autores fundamentais da literatura infantil, porque este ano é o seu centenario.

https://commons.wikimedia.org/wiki/File:Gianni_Rodari.jpg


GIANNI RODARI

Foi un pedagogo, periodista, mestre e escritor italiano.
Naceu o 23 de outubro de 1920, en Omegna, cidade italiana. En 1937 obtivo o título de mestre, e comeza a exercer na localidade de Uboldo. Nestes anos os mestres non gañaban moito así que se ve obrigado a ingresar no Partido Nacional Fascista. Pero en 1944 pásase ó Partido Comunista.

Cando acaba a IIª Guerra Mundial, á que non foi mobilizado pola súa mala saúde, empeza a traballar  na revista Cinque Punte e despois foi nomeado director do xornal L`Ordine Nuovo. En 1947 empeza a traballar en L`Unitá de Milán e dous anos despois é nomeado director da súa sección infantil, chamada La domenica dei piccoli.

En 1950 múdase a Roma e alí funda, con Dina Rinaldi, o semanario xuvenil Pionere. En 1951 publica a súa primeira obra pedagóxica: Il manuale del pionere (O manual do pioneiro), que lle supuxo a excomuñón.

En 1953 funda o periódico Avanguardia, ligado á Federación Xuvenil Comunista Italiana.

En 1957 ingresa no Colexio de Periodistas. Colabora coa RAI (televisión italiana) e coa BBC (televisión británica) nun programa infantil, e escribe no periódico Paese Sera co pseudónimo "Benelux". Algunhas das súas obras tamén apareceron co pseudónimo "Francesco Aricocchi".

Entre 1969 e 1977 dirixe Il giornale dei genitori (O periódico dos pais), e en 1970 recibe o premio Hans Christian Andersen, o meirande galardón na literatura infantil.

En 1973 publica a súa obra máis importante: Gramática da Fantasía, dirixida a mestres, familias e educadores, expón técnicas para estimular a fantasía.

Morre en 1979.

SEGUIMOS CONFINADOS

ÁNIMO, que queda menos!

Seguimos de confinamento, así que aquí vai outro clásico para ler en liña.



Este é un dos contos máis fermosos de Oscar Wilde, publicado en inglés en 1888, xunto con outros contos do autor. En castelán titúlase El gigante egoista.

Como veño facendo últimamente déixovos o enlace, pero pídovos que o merquedes cando o confinamento acabe:

http://bibliotecadigital.ilce.edu.mx/Colecciones/CuentosMas/GiganteEgo.pdf

COIDÁDEVOS E COIDADE DA VOSA FAMILIA!!

OUTRO CONTO PARA OS PEQUENOS

Hoxe recoméndovos outro conto para os pequenos da casa. É un dos meus contos favoritos. Póñovos un enlace para que leades o conto e outro para que escoitedes a canción. Algúns dos alumnos do cole sabédela de memoria...



https://vdocuments.mx/corre-corre-cabacina.html (Conto)

https://www.youtube.com/watch?v=EfUEd0xTlhA (Canción)

Ademáis póñovos o enlace dalgunhas actividades en liña.  Aconséllovolas para 1º, 2º ou 3º de primaria.

https://www.edu.xunta.gal/centros/cepdeventin/aulavirtual2/file.php/1/pili/lim%20corre%20corre%20cabaci%C3%B1a/correcorrecabacinna.html (Actividades)

COIDÁDEVOS MOITO E CANDO ISTO PASE, MERCADE O LIBRO!!!